ئێواره‌ى ئه‌مڕۆ پێنجشه‌م نێچيرڤان بارزانى سه‌رۆكى هه‌رێمى كوردستان له ديدارێكى ماڵئاواييدا له‌گه‌ڵ ڤيله ڤاريۆلا باڵيۆزى يه‌كێتيى ئه‌وروپا له عێراق كه ئه‌ركه‌كه‌ى به كۆتا دێت، سوپاس و پێزانينى بۆ هه‌وڵه‌كانى له‌پێناو بره‌ودان به په‌يوه‌ندييه‌كانى يه‌كێتيى ئه‌وروپا له‌گه‌ڵ عێراق و هه‌رێمى كوردستاندا ده‌ربڕى.
سه‌رۆكی هه‌رێمی كوردستان هه‌روه‌ها هيواى سه‌ركه‌وتنى بۆ باڵيۆزى يه‌كێتيى ئه‌وروپا له عێراق خواست له ئه‌ركى داهاتوویدا.
لاى خۆشیيه‌وه ڤاريۆلا سوپاسى نێچيرڤان بارزانى و لايه‌نه په‌يوه‌نداره‌كانى هه‌رێمى كوردستانى كرد بۆ هاريكارى و پشتيگرييان له ئه‌ركه‌كه‌يدا و هيواى خواست هه‌مان ئاستى هاوكارى له‌گه‌ڵ جێگره‌وه‌كه‌ى به‌رده‌وام بێت.
دواتریش دۆخى عێراق و هه‌رێمى كوردستان به‌گشتى، ته‌وه‌رێكى ديكه‌ى ديداره‌كه بوو.
کۆمێنت (0)
تا ئێستا هیچ کۆمێنتێک نەکراوە.