ئه‌مڕۆ پێنجشەم مەسرور بارزانی سه‌رۆكى حکوومەتی هه‌رێمى كوردستان پێشوازى له ڤيلـله ڤاريۆلا باڵيۆزى يه‌كێتيى ئه‌وروپا لە عێراق کرد کە بە بۆنەی کۆتاییهاتنی ئەرکەکەی سەردانی کردبوو.
سەرۆکی حکوومەت وێڕای سوپاسکردنی هاوکاریی و پشتیوانیی یەکێتیی ئەوروپا و باڵیۆز ڤاریۆلا، بەتایبەتی بۆ هەوڵ و کارەکانی لەپێناو پەرەپێدانی پەیوەندییەکانی هەرێمی کوردستان و یەکێتیی ئەوروپا لە ماوەی کارکردنیدا، هیوای سەرکەوتنیشی بۆ خواست لە ئەرکی داهاتوویدا.
باڵيۆزى يه‌كێتيى ئه‌وروپا لە عێراق بە پێزانینەوە ئاماژەی بە هاریکار و هەماهەنگیی بەردەوام و بەهێزی حکوومەتی هەرێمی کوردستان کرد لەگەڵ باڵیۆزخانە و نێردەی ڕاوێژکاری یەکێتیی ئەوروپا لە عێراق و هەرێمی کوردستان.
کۆمێنت (0)
تا ئێستا هیچ کۆمێنتێک نەکراوە.