رۆژی پێنجشەممە 3ی ئابی 2023 ، د.ئومێد سەباح، سەرۆكی دیوانی ئەنجومەنی وەزیران ،كردنەوە و خستنەكاری سیستەمی ئەلكترۆنی بۆ تۆماركردنی سكاڵای هاووڵاتیانی ڕاگەیاند .
د.ئومێد سەباح، ڕایگەیاند:"ئەو پڕۆژەیە بیرۆكەی مەسرور بارزانی ،سەرۆكی حكومەتی هەرێمی كوردستانە و لەسەر راسپاردەی جەنابیان پڕۆژەكە ئەنجامدراوە، ئەوەش هەنگاوێكی دیكەی بە ئەلیكترۆنی كردنی حكومەتە بۆ نەهێشتنی ڕۆتین و زیاتر نزیك بوونەوەی هاووڵاتی و دامەزراوەكان لە یەكتری.
د. ئومێد سەباح گوتیشی:، لەمەودوا هاووڵاتیان لە سەرتاسەری هەرێمی كوردستان دەتوانن سكاڵاكانیان بە شێوەیەكی ڕاستەوخۆ بگەیەنە لایەنی پەیوەندیدار.
هەروەها سوپاسی فەرمانگەی تەكنەڵۆجیا و زانیاری و فەرمانگەی یاسایی سەر بە ئەنجومەنی وەزیران كرد، بۆ هەوڵ و ماندووبوونیان بۆ دامەزراندنی ئەم سیستەمە، دواتر وەك تاقیكردنەوە بە شێوەی كرداری سەرۆكی دیوانی ئەنجومەنی وەزیران هەنگاوەكانی تۆماركردنی سكاڵای جێبەجێ كرد.
لەلای خۆشیانەوە، سەرۆكی فەرمانگەی تەكنەلۆجیای زانیاری و سەرۆكی فەرمانگەی یاسایی سوپاسی سەرۆكی دیوانیان كرد بۆ پاڵپشتی بەردەوامیان بۆ سەرخستن و باشتر بەرێوەچوونی كارەكانیان.
بەجێگەیاندنی ئەو پڕۆژەشیان بە جێبەجێكردنی دروشمی كابینەی نۆیەمی حكومەتی هەرێمی كوردستان دانا، كە هاووڵاتیان چەقی گرنگیدانی حكومەتن.
کۆمێنت (0)
تا ئێستا هیچ کۆمێنتێک نەکراوە.