ئه‌مڕۆ چوارشه‌م پیاوێك ده‌ستگیر كرا كه به جلی ژنان دزی له دوكانه‌كانی شاری قه‌ڵادزێ ده‌كرد، هه‌روه‌ها پێشتریش چه‌ندان دزی تری به‌هه‌مانشێوه ئه‌نجامدابوو.
به‌ڕێوه‌به‌رایه‌تی پۆلیسی ڕاپه‌ڕین ڕایگه‌یاند: لەسەر سکاڵای هاووڵاتییان کە بە وتەی خۆیان دزی لە دوکانەکانیان کراوە، دەستبەجێ هێزەکانمان لە نووسینگەی نەهێشتنی تاوانی پشدەر دوای بەدەستهێنانی زانیاری و بە سوودوەرگرتن لە کامێرای چاودێری لەناو بازاڕی قەڵادزێ تۆمەتبارێکیان لە ڕەگەزی نێر دەستگیر کرد،
ڕاشیگه‌یاند: دوای لێکۆڵینەوە لەگەڵ تۆمه‌تباره‌كه دانی به‌وه‌دانا كه بە جلی ژنانەنەوە دزی کردووە تا نەناسرێتەوە.
هه‌روه‌ها ڕایگه‌یاند: ده‌ركه‌وت كه تۆمەتبار پێشینەیشی هەیە و پێشتریش به‌هه‌مانشێوه بە جلی ژنانه دزی تریشی ئه‌نجامدابوو.
پۆلیسی ڕاپه‌ڕین ئاماژه‌ی به‌وه‌ش دا كه ئێستا تۆمه‌تباره‌كه بە بڕیاری دادوەر و بە ماددەی 443 لە یاسایی سزادانی عیراقی ڕاگیرکراوە و لێکۆڵینەوەش لەگەڵیدا بەردەوامە.
کۆمێنت (0)
تا ئێستا هیچ کۆمێنتێک نەکراوە.