ئەمڕۆ چوارشەممە 2-8- 2023 دژوار فایەق ، سەرۆكی لیژنەی جێبەجێكردنی ماددەی 140 لەبەغدا سەردانی قەزای مەخموری كرد .
لەسەردانەكەیدا بەجیا لەگەڵ قائمقامی قەزاكەو بەڕێوەبەری فەرمانگەكان و چین و توێژەكانی كوردو عەرەبی سنووری قەزاكە كۆبووەوە.
لەكۆبوونەوەكەدا دژوار فایەق ، تیشكی خستە سەر قۆناغی بەرەوپێشچوونی جێبەجێكردنی ماددەی 140و گەڕانەوەی زەوییە كشتوكاڵییەكان و بازگەی پۆلیسی نەینەوا و چەندین بابەتی دیكەی تایبەت بە خزمەتگوزاری لەبواری رێگاوبان و پەروەردە و كەرتی تەندروستی و كشتوكاڵ.
هەروەها سەرۆكی لیژنەكە رایگەیاند كە سەرجەم داوكاری و داخوازییەكانی ناوچەكە دەگەێنێتە سەرۆكی حكومەتی هەرێمی كوردستان لایەنی پەیوەنداری بەغدا.
كارزان كاكل/ پەیامنێری كوردستان تیڤی لە مەخمور
کۆمێنت (0)
تا ئێستا هیچ کۆمێنتێک نەکراوە.