ئەگەر ڕۆژانە خۆخی ووشككراوە بخۆیت چی بەسەر جەستەدا دێت ؟!

ئەگەر ڕۆژانە 10 خۆخی ووشككراوە بخۆیت ،ئەگەری تووشبوون بە نەخۆشییەكانی دڵ و شەكرە و شێرپەنجە كەمدەكاتەوە،هەروەها یارمەتی دابەزاندنی كێش دەدات چونكە دەوڵەمەندە بە ڕیشاڵی سروشتی، هاوكات هەستی تێربوون بۆ ماوەی چەند كاتژمێرێكی زۆر دەبەخشێت.
لێرەدا دوو ڕێگا بۆ وشككردنەوەی خۆخ لە ماڵەوە دەخەینە روو .
وشككردنەوەی خۆخ لە نێو فڕندا:
-خۆخەكە بۆ ماوەی 10 خولەك دەخرێتە نێو ئاوو سركەوە، پاشان بۆ پارچەی بچووك دەبڕدرێت.
-دەبێ پارچە خۆخەكان لە ئاوی لیمۆ یان پرتەقاڵدا بۆ ماوەی چەند خولەكێك نوقم بكرێت.
-خۆخەكە لەسەر سینییەك بڵاودەكرێتەوە  و دەخرێتە ناو فڕنەوە لە پلەی گەرمی 170.
- دەبێ دەرگای فڕنەكە كەمێك كراوە بێت بۆ ئەوەی هەڵمەكە دەربچێت.
- دوای وشكبوونەوەی، خۆخەكە بەجێی بهێڵە تا سارد دەبێتەوە ، دواتریش دەبێ لەناو دەفرێكی شووشەی داخراودا هەڵیبگریت.
 وشككردنەوەی خۆخ لەبەر خۆر:
-خۆخەكە بۆ ماوەی 10 خولەك دەخرێت ناو ئاو و سركەوە، پاشان دەكرێتە پارچەی بچووك.
-خۆخەكە دەخرێتە سەر سینیەك كە بە پارچە پەڕۆیەكی لەپەمۆ  دروستكراو داپۆشرابێت.
- سینیەكە دەخرێتە شوێنێك كە خۆر ڕاستەوخۆ بگاتە ئەو شوێنە و بۆ ماوەی دوو هەفتە بەجێدەهێڵدرێت. 
-دەبێ ڕۆژانە شوێنی خۆخەكان بگۆڕدرێت بۆ ئەوەی دڵنیا بیت كە بەر تیشكی خۆر كەوتووە.
- دەبێ لەكاتی شەودا خۆخەكە بهێندرێتەوە ناو ماڵەوە.
- دوای دڵنیابوون لەوەی كە خۆخەكە وشك بۆتەوە، ئینجا دەخرێتە ناو دەفرێكی شووشە كە شوێنی هەواگۆڕكێی هەبێت.