ئێواره‌ی ئه‌مڕۆ سێشه‌م له‌لایه‌ن فڕۆكه جه‌نگییه‌كانه‌وه زنجیره چیاكانی مه‌تینا له سنووری شارۆچكه‌ی ئامێدی بۆردومان كرا.
په‌یامنێری (كوردستان تیڤی) ڕایگه‌یاند: ئێواره‌ی ئه‌مڕۆ كاتژمێر 7:10 خوله‌ك له‌لایه‌ن چه‌ند فڕۆكه‌یه‌كی جه‌نگییه‌وه زنجیره چیاكانی مه‌تینا له نزیك گوندی گوهه‌رزێ له شاره‌دێی دێره‌لووك سه‌ر به شارۆچكه‌ی ئامێدی بۆردومان كرا.
ڕاشیگه‌یاند: فڕۆكه جه‌نگییه‌كان دووجار به‌سه‌ر زنجیره چیاكه سووڕاونه‌ته‌وه و به ئه‌گه‌ری بوونی باره‌گاكانی په‌كه‌كه هه‌ردووجار بۆردومانی ناوچه‌كانیان كردووه.
ئاماژه‌ی به‌وه‌ش دا كه ئه‌و ناوچانه‌ی بۆردومان كراون، دووره ده‌ستن و دوور له ئاوه‌دانی و شوێنی مانه‌وه‌ی هاووڵاتییانن، بۆیه زیانه‌كانی بۆردومانه‌كه نازانرێ.
ئامێدی / به‌شار عه‌لی
کۆمێنت (0)
تا ئێستا هیچ کۆمێنتێک نەکراوە.