به‌ڕێوه‌به‌رایه‌تی گشتیی ته‌ندروستی گه‌رمیان ڕایگه‌یاند كه دوای تێپه‌ڕبوونی چوار مانگ، ئه‌مڕۆ دووشه‌م كۆمپانیای پاككه‌ره‌وه‌ی نه‌خۆشخانه‌كان له گه‌رمیان ده‌ستبه‌كار بوو.
ته‌ندروستی گه‌رمیان بڵاوی كرده‌وه: دوابەدوای ئەنجامدانی گرێبەستی یاسایی، ئەمڕۆ دووشه‌م بە فەرمی کۆمپانیای پاککردنەوە لە نەخۆشخانە و مەڵبەندە تەندروستییەکانی گه‌رمیان دەستبەکار بوون.
ئاماژه‌ی به‌وه‌ش دا: لە چوار مانگی رابردوودا بەهۆی تەواوبوونی گرێبەستی کۆمپانیای پاککردنەوەوە و کێشەی نەبوونی پارەی نەختینە لە بانک و هەروەها وازهێنان و هەڵوەشاندنەوەی گرێبەستەکانیان، ناوەندە تەندروستییەکانی گەرمیان بێ کارگوزار و ژینگەپارێز بوون.
به‌ڕێوه‌به‌رایه‌تی گشتیی ته‌ندروستی گه‌رمیان جه‌ختیشی كرده‌وه كه نه‌بوونی كارگوزار و ژینگه‌پارێزان له نه‌خۆشخانه‌كان له‌ماوه‌ی ڕابردوودا کێشەیەکی زۆری بۆ ئەو ناوەندانە دروست کردبوو.
کۆمێنت (0)
تا ئێستا هیچ کۆمێنتێک نەکراوە.