وەزارەتی کارەبای هەرێمی کوردستان ڕوونکردنەوەیەکی بڵاو کردۆتەوە سەبارەت بە وێنەیەکی وێستگەی 29 مێگاواتی هەولێر لەبارەی پیسکردنی ژینگەوە، دەڵێت، تەنیا لە یەکەم کارپێکردیندا دووکەڵ دەکات.
لە ڕوونکردنەوەیەکدا وەزارەتی کارەبای هەرێمی کوردستان ڕایگەیاند: پاش بڵاوبوونەوەی وێنەیەکی وێستگەی 29 مێگاواتی هەولێر لەبارەی پیسکردنی ژینگەوە، بەڕێوەبەرایەتیی ڕاگەیاندنی وەزارەتی کارەبا بەدواداچوونی بۆ کرد.
ڕاشیگەیاند: لەلایەن بەڕێوەبەری گشتیی بەرهەمهێنانەوە پێمان ڕاگەیەنرا ئەم یەکەیەی بەرهەمهێنانی کارەبا پاش پرۆسەی چاککردنەوە، لە یەکەم کارپێکردنیدا بۆ ماوەی پێنج خولەک تا بەستنەوەی بە تۆڕی کارەباوە دووکەڵێکی زۆر دەکات و دواتر دەگەڕێتەوەسەر دۆخی ئاسایی خۆی.
وەزارەتی کارەبا ئاماژەی بەوەش داوە کە کۆمپانیای کارپێکردنی وێستگەکەش لە کەمکردنەوەی شوێنەوارەکانی ئاگادار کراوەتەوە.
کۆمێنت (0)
تا ئێستا هیچ کۆمێنتێک نەکراوە.