ئاشکرایە یاساکانی هاتووچۆ بۆ پاراستنی سەلامەتی شوفێران دانراون و پێویستە پەیڕەو بکرێن، بەڵام هەندێک یاسای سەیر لە بەشێکی وڵاتان پەیڕەو دەکرێن کە ئەگەر گەشتتان کرد بۆ ئەو وڵاتانە پێویستە ئاگاداری بن.
ماڵپەڕی "viva.co.id" باسی سەیرترین یاسا و ڕێساکانی هاتووچۆی لە جیهاندا کردووە، کە ئەگەر پێشێل بکرێن، دەبنە هۆی سەپاندنی سزای یاسایی بەسەر شۆفێرەکەدا، بەمشێوەیە خراوەتەڕوو:-
- قوبرس
هەندێجار لە کاتی لێخوڕیندا برسی یان تینوومان دەبێت و شتێک دەخۆین و دەخۆینەوە، بەڵام لە قوبرس خواردن و خواردنەوە لە کاتی شوفێریدا قەدەغەیە، تەنانەت خواردنەوەی قومێک ئاویش ڕێگەپێدراو نییە.
- ئەڵمانیا
لە ئەڵمانیا ئاساییە بەڕووتی شوفێری بکەیت، بەڵام لە کاتی دابەزین لە ئۆتۆمبێلەکەت پێویستە جل بپۆشیت، چونکە ڕێگەپێدراو نییە بەڕووتی بچیتە شوێنە گشتییەکانەوە.
- باشووری ئەفریقا
لە وڵاتانی وەک باشووری ئەفریقا، ئەسپ، گوێدرێژ و بەراز دەتوانێت ڕێگەکە دابخات، شوفێران پێویستە چاوەڕێ بکەن تاوەکو ئەو ئاژەڵانە لە ڕێگەکە دەپەڕنەوە و ڕێگەکە دەکەنەوە.
- ژاپۆن
کاتێک باران دەبارێت و شەقامەکان تەڕن، پێویستە زۆر بەورییایەوە شوفێری بکەیت، چونکە تەڕکردنی پیادە بەهۆی ئۆتۆمبێلەکەتەوە تووشی سزات دەکات.
- ئیمارات
لە شانشینی ئیماراتی عەرەبی یەکرگرتوو حوشتر گرنگی خۆی هەیە، ئەوەی لێرەدا سەیرە ڕێزگرتن لەو ئاژەڵە دەگاتە ئەو ئاستەی کە پێشینەیان بۆ تێپەڕین بەسەر ڕێگەی گشتیدا پێبدات.
- چین
ئەگەر تۆ شوفێر بیت، پیادەیەک لە ڕێگەکە هەوڵی پەڕینەوە بدات ئەوا تۆ چی دەکەیت؟، بێگومان خێرایی ئۆتۆمبێلەکەت کەم دەکەیتەوە و ئینجا دەوەستیت و ڕێگە دەدەیت پیادەکە تێپەڕێت، بەڵام ئەمە لە چین نایاساییە، ئەگەر بەمشێوەیە مامەڵە بکەیت و هەوڵ بدەیت ئەو کەسە ڕانەپەڕێنیت، ئەوکاتە تۆ سزا دەدرێت بەهۆی کەمکردنەوەی خێرایی و وەستاندنی ئۆتۆمبێلەکەت لە ناوەڕاستی ڕێگە.
کۆمێنت (0)
تا ئێستا هیچ کۆمێنتێک نەکراوە.