پارێزگاكانی عێراق به‌هۆی گه‌رما سبه‌یان كرده‌ پشووی فه‌رمی

به‌هۆی به‌رزبوونه‌وه‌ی پله‌كانی گه‌رما، دوو‌ پارێزگای عێراق سبه‌ی پێنجشه‌میان كرده‌ پشووی فه‌رمی له‌سه‌رجه‌م فه‌رمانگه‌ و داموده‌زگاكانی سنووری پارێزگاكانیان.

هه‌ردوو پارێزگای دیوانییه‌ و واسیت بڵاویان كرده‌وه‌‌: به‌هۆی به‌رزبوونه‌وه‌ی پله‌كانی گه‌رما و هه‌روه‌ها به‌ڕێوه‌چوونی ئاماده‌كارییه‌كانی مه‌ڕاسیمه‌كانی عاشووڕا، بڕیاردرا سبه‌ی پێنجشه‌م رێكه‌وتی 27/7/2023 له‌ داموده‌زگاكانی حكوومه‌ت پشووی فه‌رمی بێت.

بڵاویشیان كرده‌وه‌: پشووه‌كه‌ ته‌نیا فه‌رمانبه‌رانی فه‌رمانگه‌ خزمه‌تگوزارییه‌كان و هێزه‌ ئه‌منییه‌كان و بانكه‌كان ناگرێته‌وه‌ و ئه‌وان سبه‌ی پێنجشه‌م ده‌وامی ئاسایی خۆیان ده‌كه‌ن.