ئه‌مڕۆ سێشه‌م نرخی نه‌وت له بازاڕه‌كانی جیهان بۆ سه‌رووی 83 دۆلار به‌رز بووه‌وه و بۆ یه‌كه‌مجاریشه دوای تێپه‌ڕبوونی 3 مانگ بگاته‌وه ئه‌و نرخه، ئه‌مه‌ش به‌هۆی ئه‌و بڕیارانه بوو كه حكوومه‌تی چین دوێنێ دووشه‌م ڕایگه‌یاند.
سه‌رله‌ئێواره‌ی ئه‌مڕۆ سێشه‌م نرخی هه‌ر به‌رمیلێكی نه‌وتی خاوی برێنت به ڕێژه‌ی 1.03% به‌رز بووه‌وه گه‌یشته 83.58 دۆلاری ئه‌مه‌ریكی.
ئه‌م به‌رزبوونه‌وه‌یه‌ی نرخی نه‌وتی برێنت به‌هۆی ئه‌و بڕیارانه‌وه‌یه كه دوێنی دووشه‌م حكوومه‌تی چین ڕایگه‌یاند سه‌باره‌ت به پشتگیریكردنی زیاتری فرۆشتنی كه‌رتی خانووبه‌ره و كه‌رته‌كانی تر بۆ خێراتركردنی گه‌شه‌ی ئابووری وڵاته‌كه‌یان.
کۆمێنت (0)
تا ئێستا هیچ کۆمێنتێک نەکراوە.