ئەڤرۆ سپێدێ رۆژا ئێکشەمبى 23/تەموزێ /2023 ێ د.عەلى تەتەر پارێزگارێ دهۆکێ سەرا جڤاتا پارێزگەها دهۆکێ دا ژلایێ فەهیم عبدالله سەروکێ جڤاتێ وئەندامێن جڤاتێ پێشوازى لێ هاتە کرن.
دکۆمبوونەکێدا دگەل سەروک وئەندامێن جڤاتا پارێزگەهێ ، د.عەلى تەتەر پارێزگارێ دهۆکێ بەحسێ ئەنجامێن سەرەدانا ڤێ دوماهیێ یا شاندنێ پارێزگەهێ بو وەلاتێن ئەلمانیا وئەمریکا وهەڤدیتنێن شاندى دگەل بەرپرسێن هەردوو وەلاتان کو ئارمانج ژێ ئەو بوویە پەیوەندیێن سیاسى وکلتورى وئابورى وبازرگانى خورترلێ بکەن وئاسانکاریا بکەن کو وەبەرهێنەرێن وان هەردوو وەلاتان وچەندین وەلاتێن دى قەستا پارێزگەهێ بکەن وپرۆژا ئەنجامدەن.
هەروەسا دتەوەرکێ دن دا پارێزگارێ دهۆکێ ئاماژە دا پرۆژێن حکومەتا هەرێما کوردستانێ ئەوێن ل هەموو قەزا وناوچەدارى وکومەلگەه وگوندان دهەموو بواران دا دهێنە ئەنجامدان.
پاش ئەندامێن جڤاتێ چەند پرسیار وپێشنیار ئاراستەى پارێزگارێ دهۆکێ کرن بو وێ یەکێ خزمەتا هاولاتیان پتر بهێتە کرن وبەرسڤا هەموو پسیار وبابەتان ژلایێ پارێزگارێ دهۆکێ ب رونى وبەرفرەهى هاتە دان.
ل دوماهیێ پارێزگارێ دهۆکێ وسەروکێ جڤاتا پارێزگەهێ تەکەزکرن کو هەردوو لا ب هەڤرا کاربکەن وب باشترین شێوە خزمەتا خەلکێ پارێزگەهێ بکەن .
پارێزگارێ دهۆکێ وسەروکێ جڤاتا پارێزگەهێ تەکەزیێ دکەن کو ب باشترین شێوە خزمەتا خەلکێ پارێزگەهێ بکەن
100%
کۆمێنت (0)
تا ئێستا هیچ کۆمێنتێک نەکراوە.