سەرۆک بارزانی پەیامێکی بەبۆنەی جەژنی قوربانەوە بڵاو کردۆتەوە و پیرۆزبایی ئاراستەی موسڵمانان دەکات و هیوا دەخوازێت کە جەژن ببێتە هۆی سەقامگیری و تەبایی لە ناوچەكەمان و سەرانسەری جیهان.
سەرۆک مەسعود بارزانی ئەمڕۆ سێشەممە 27ـی 06ـی 2023 لە پەیامێکدا بەبۆنەی جەژنی قوربان پیرۆزبایی ئاراستەی موسڵمانان کرد و ڕایگەیاند: لەم بۆنە پیرۆزەدا لە خودای مەزن داواكارم خێر و بەرەكەت و سەلامەتی بۆ هەموو خەڵكی كوردستان بەدی بهێنێت.
دەقی پەیامی پیرۆزبایی سەرۆک مەسعود بارزانی بەبۆنەی جەژنی قوربانەوە:-
بەناوی خودای بەخشندە و میهرەبان
بە بۆنەی هاتنەوەی جەژنی پیرۆزی قوربانەوە پیرۆزبایی خۆم ئاراستەی هەموو موسڵمانانی كوردستان و عێراق و جیهان دەكەم. پیرۆزبایی لە خانەوادەی سەربەرزی شەهیدان و پێشمەرگە قارەمانەكان و سەرجەم هاووڵاتیانی خۆشەویستی كوردستان دەكەم.
لەم بۆنە پیرۆزەدا لە خودای مەزن داواكارم خێر و بەرەكەت و سەلامەتی بۆ هەموو خەڵكی كوردستان بەدی بهێنێت. هیوادارم ئەو بۆنە پیرۆزە ببێتە هۆی سەقامگیری و تەبایی لە ناوچەكەمان و سەرانسەری جیهان.
جەژنتان پیرۆز بێت و هەر لە خۆشیدا بن.
مسعود بارزانی
27ی حوزەیرانی 2023
کۆمێنت (0)
تا ئێستا هیچ کۆمێنتێک نەکراوە.