سەرۆکی حکوومەتی هەرێمی کوردستان بە بۆنەی جەژنی قوربان پیرۆزبایی ئاراستەی موسڵمانان دەکات و هیوای کەشێکی ئارام و شادیان لە جەژندا بۆ دەخوازێت.
ئەمڕۆ سێشەممە 27ـی 06ـی 2023 مەسرور بارزانی سەرۆکی حکوومەتی هەرێمی کوردستان پەیامێکی بە بۆنەی جەژنی قوربان بڵاو کردەوە و ڕایگەیاند: بەو هیوایەی جەژن ببێتە مایەی تەبایی و لێبوردەیی و خێر و خۆشی و پێشکەوتنی زیاتری نیشتمانەکەمان و دەستەبەربوونی ئاشتی و سەقامگیریی لە ناوچەکە و جیهان بە گشتی.
دەقی پەیامی پیرۆزبایی سەرۆکی حکوومەتی هەرێمی کوردستان بە بۆنەی جەژنی قوربان:
بەبۆنەی جەژنی پیرۆزی قوربان، گەرمترین پیرۆزبایی ئاراستەی موسڵمانانی هەرێمی کوردستان و عێراق و جیهان دەکەم، بەتایبەتی پێشمەرگە قارەمانەکان و هێزەکانی ئاسایشی ناوخۆ و کەسوکار و بنەماڵەی سەربەرزی شەهیدان و ئەنفالکراوان. ئومێدەوارم لە کەشێکی ئارام و شادیدا، ڕۆژانی جەژن و پشوو بەسەرببەن.
بەو هیوایەی جەژن ببێتە مایەی تەبایی و لێبوردەیی و خێر و خۆشی و پێشکەوتنی زیاتری نیشتمانەکەمان و دەستەبەربوونی ئاشتی و سەقامگیریی لە ناوچەکە و جیهان بە گشتی.
جەژنتان پیرۆز بێت و خوای مەزن کوردستان بپارێزێت.
مەسرور بارزانی
سەرۆکی حکوومەتی هەرێمی کوردستان
2023/6/27
کۆمێنت (0)
تا ئێستا هیچ کۆمێنتێک نەکراوە.