فڕۆكەكە جەنگییەكانی توركیا بارەگاكانی پەكەكە لەزنجیرە چیای مەتینا بۆردومان دەكەن

فروكێن جەنگی یێن وەلاتێ توركیایێ بارەگایێن پەكەكێ ل زنجیرا چیایێ مەتینا ل سنورێ دەڤەرا ئامێدیێ بوردومانكرن .
 وەلاتیەكێ دەڤەرێ بو كوردستان تی ڤی راگەهاندن كو ئەڤرو فروكێن جەنگی یێن وەلاتێ توركیایێ ل دانێ نیڤرو سێ جاران بارەگایێن پەكەكێ ل زنجیرا چیایێ مەتینا ل بەرامبەر گوندێن گوهەرزێ و سگێرێ و بەلاڤە ل دەڤەرا نهێلێ و زنجیرا چیایێ مەتینا بەرامبەر كومەلگەها كوانێ بوردومانكرن ، و تا ئامادەكرنا ڤی هەوالێ زیانێن بوردومانێ نەهاتینە زانین چونكی دەڤەرێن هاتینە بوردومانكرن دەڤەرێن چیاینە .
 تێ زانین ژبەر شەر و ئالوزیێن دناڤبەرا وەلاتێ توركیایێ و چەكدارێن پەكەكێ دا خەلكێ دەڤەرێ نەوێرن بەرەڤ وان جهان ڤە بچن و دەڤەرێن قەدەغەكرینە و هەر ژبەر ڤی شەری د سالێن دەربازبوی دا وەلاتیێن دەڤەرێ راستی زیانێن مادی و گیانی بوینە و جهێن پەیوەندیارێن دەڤەرێ ژی بەردەوام داخوازێ ژ خەلكێ دەڤەرێ دكەن كو بو هەر مەبەستەكێ بیت بەرەڤ وان جهان ڤە نەچن داكو د پاراستی بن و گیانێ وان نە كەڤیتە د مەترسیێ دا.