ڕوونكردنەوەیەک لە مەکتەبی سیاسیی پارتی دیموکراتی کوردستانەوە

مه‌كته‌بی سیاسی پارتی روونكردنه‌وه‌یه‌كی بۆ ڕای گشتی بڵاوكرده‌وه‌.
له‌ روونكردنه‌وه‌كه‌ی مه‌كته‌بی سیاسی پارتییدا هاتووه‌" ماوەیەكە بەڕێز عیماد باجەلان لە گفتوگۆكردن لەگەڵ دەزگاكانی ڕاگەیاندن وتە و شرۆڤەكردنەكانی وەكو ڕای پارتی دیموكراتی كوردستان پێناسە دەكرێت! لە كاتێكدا ڕای پارتی لە سەر ڕوداوەكان، یاخود ڕۆڵ و هەڵسەنگاندنی كەسایەتی و هەر بارودۆخێک، مافی هیچ كەس و ئۆرگانێك نیە جگە لە گوتەبێژی فەرمی پارتیمان و ڕاگەیاندراوەكانی مەكتەبی سیاسی.
مه‌كته‌بی سیاسی پارتی روونیشكردووه‌ته‌وه‌" بۆیە هەرچی ناوبراو سەبارەت بە بەڕێز مالیكی گوتوویەتی تەعبیر لە ڕاو بۆچوونی پارتیمان ناكات و ڕای شەخسی خۆیەتی، هەر لێرەشەوە داوا لە دەزگاكانی ڕاگەیاندن دەكەین كە ڕا و شرۆڤەی تایبەتی شرۆڤەكاران و ڕاگەیاندكارەكان وەكو ڕای پارتیمان پێناسە نەكەن بەڵكو وەكو ڕا و بۆچوونی کەسی بیانناسێنن".