بزانە نرخی دۆلار لە بۆڕسەكانی هەولێر و بەغدا گەیشتۆتە چەند

ئەمڕۆ چوارشەممە21ی حوزەیران نرخی دۆلار بەرامبەر دیناری عێراقی لە بۆرسەی سەرەكی بەغدای پایتەخت بەرزبووەوە، لەكاتێكدا لە هەولێری پایتەختی هەرێمی كوردستان كەمێك دابەزینی بەخۆیەوە بینی.
بەرەبەیانی ئەمڕۆ لە بۆڕسەی ناوەندی كیفاح و حورییە لە بەغدا نرخی 100 دۆلاری ئەمریكی بە 146 هەزار و 350 دینار مامەڵەی پێوەكرا، لەكاتێكدا بەیانی دوێنێ سێشەممە نرخەكەی 146 هەزار و 200 دینار بوو.
هەروەها لە نووسینگەكانی ئاڵوگۆڕ لە بازاڕە ناوخۆییەكانی بەغدا، نرخی دۆلار بەرزبوونەوەی بەخۆوە بینی، بەو پێیەی نرخی فرۆشتن گەیشتە 147 هەزار و 500 دینار، لە كاتێكدا نرخی كڕین بۆ هەر 100 دۆلارێك گەیشتە 145 هەزار و 500 دینار.
سەبارەت بە هەولێری پایتەختی هەرێمی كوردستانیش، نرخی دۆلار دابەزینێكی كەمی تۆماركرد، بەو پێیەی نرخی فرۆشتن گەیشتە 146 هەزار و 450 دینار، نرخی كڕینیش گەیشتە 146 هەزار و 400 دینار .