ئەمڕۆ چوارشەممە، 21ـی حوزەیرانی 2023، ئەنجومەنی وەزیران بە سەرپەرشتیی مەسرور بارزانی، سەرۆكوەزیرانی هەرێمی كوردستان و ئامادەبوونی قوباد تاڵەبانی جێگری سەرۆكوەزیران كۆ دەبێتەوە.
تەوەری یەكەمی كۆبوونەوەكە تایبەت دەبێت بە خستنەڕووی دواپێشهاتە پەیوەندیدارەكانی پەسەندكردنی یاسای بودجەی عێراق و لێكەوتەكانی لەسەر هەرێمی كوردستان.
لە تەوەری دووەمدا، باس لە ڕەشنووسی ئەو پرۆژەیاسا و پەیڕەوانە دەكرێت كە تاكوو ئێستا دەنگدانی كۆتاییان لەسەر نەكراوە.
تەوەری سێیەم تایبەت دەبێت بە بابەتی كاراكردنەوەی لیژنەی جێبەجێكردنی ماددەی 140 لە ئەنجومەنی وەزیرانی عێراق.
لە تەوەری چوارەم و كۆتاییدا، بابەتی نەخۆشیی تای خوێنبەربوون و ڕێكارەكانی خۆپارێزیی لەلایەن هەردوو وەزارەتی كشتوكاڵ و سەرچاوەكانی ئاو و وەزارەتی تەندروستیی حكومەتی هەرێمی كوردستان دەخرێنە ڕوو.
ئەنجومەنی وەزیران كۆدەبێتەوەو چەند پرسێكی گرنگ تاوتوێدەكات
100%
کۆمێنت (0)
تا ئێستا هیچ کۆمێنتێک نەکراوە.