ئەمڕۆ سێشەممە 20-6-2023 فرۆشی بانكی ناوەندی عێراق بەربەستی چارەكێك ملیار دۆلاری تێپەڕاند كە بەم شێوەیە بووە: 195,386,600 دۆلار حەواڵە، 56,700,000 دۆلار بە شێوەی كاش. كۆی گشتی دەكاتە بڕی 252 ملیۆن و 86 هەزار و 600 دۆلار.
شایانی باسە ئەم هەفتەیە بۆ سێیەم ڕۆژ لەسەریەك نرخی دۆلار بەرامبەر بە دیناری عێراقی لە بۆرسەی سەرەكی بەغدای پایتەخت و لە هەولێری پایتەختی هەرێمی كوردستان دابەزینی بەخۆیەوە بینی.
بەرەبەیانی ئەمڕۆ لە بۆرسەی ناوەندی كیفاح و حورییە لە بەغدا، نرخی 100 دۆلاری ئەمریكی بە 146 هەزار و 200 دیناری عێراقی مامەڵەی پێوەكرا
هەروەها لەشاری هەولێریش نرخی دۆلار دابەزینی بەخۆیەوە بینی، بەو پێیەی نرخی فرۆشتن گەیشتە 146 هەزار دینار.
کۆمێنت (0)
تا ئێستا هیچ کۆمێنتێک نەکراوە.