شەونم فوئاد و ڕۆژان عومەر تابلۆ ڕەنگینەکانیان لە گەلەریی میدیا نمایش کرد

ئه‌مڕۆ دووشه‌ممه‌ 19-6-2023 له‌ شاری هه‌ولێر، بە چاودێری (د. ئالان حەمەسەعید) وەزیری پەروەردەی حکومەتی هەرێمی کوردستان و ئامادەبوونی هەریەک لە (دلێر عەبدوڵا حەسەن) بەڕێوەبەری پەروەردەی ناوەندی هەولێر و (ئازاد لەشکری) بەڕێوەبەری هونەری شێوەکاری هەولێر و ژمارەیەکی بەرچاو لە هونەرمەندان، پێشانگای هاوبەشی (شەونم فوئاد و ڕۆژان عومەر) لە گەلەریی میدیا کرایەوە.
لە پێشانگاکەدا چەند تابلۆیەکی ڕەنگاوڕەنگ و کارێکی دەستی هونەرمەندان نمایشکرا، کە پڕبوون لەداهێنان و قوڵبوونەوە بەنێو جوانیەکانی سرووشت و ژیان و جەختکردنەوە لەسەر بەردەوامی داهێنان لە هونەری شێوەکاری و وێنەکێشان.
بڕیاریشە لە ئەمڕۆوە تا ڕۆژی ٢١ـی حوزەیرانی ٢٠٢٣ پێشانگاکە بەردەوام بێت.