وه‌زاره‌تی شاره‌وانی و گه‌شتوگوزار، بڕیاری دا به خه‌رجكردنی گوژمه‌ی 874 ملیۆن و 202 هەزار و 500 دینار، بۆ جێبه‌جێكردنی پرۆژه‌ی خزمه‌تگوزاری له شاری هه‌ولێر.
ئه‌و گوژمه‌یه له‌سه‌ر ڕێژه‌ی 15%ی داهاتی سه‌رۆكایه‌تیی شاره‌وانیی هه‌ولێره و به‌مه‌به‌ستی جێبه‌جێكردنی پرۆژه‌كانی كۆنكرێتكردنی شه‌قامەکان لە گوندی گرده‌ڕه‌شه‌ی گه‌وره و دروستكردنی په‌رژین بۆ زبڵخانه‌ی كانی قڕژاڵه و جێبه‌جێكردنی چه‌ند پرۆژه‌یه‌كی دیكه له سنووری سه‌رۆكایه‌تیی شاره‌وانیی هه‌ولێر، به‌پێی یاسا و ڕێنماییه داراییه‌كان ڕه‌زامه‌ندی له‌سه‌ر خه‌رجكردنی دراوه.
کۆمێنت (0)
تا ئێستا هیچ کۆمێنتێک نەکراوە.