هه‌ر كاتێك دایك و باوكان بۆ چاره‌سه‌ری منداڵ و جگه‌رگۆشه‌كانیان ڕوو له نه‌خۆشخانه‌ی ڕاپه‌ڕینی منداڵان له شاری هه‌ولێر ده‌كه‌ن، دیمه‌نی قه‌ره‌باڵغی و نۆره‌گرتن دێته به‌رچاویان، بۆ ئه‌م مه‌به‌سته به‌ڕێوه‌به‌رایه‌تی گشتی ته‌ندروستی هه‌ولێر هۆكاری به‌رده‌وامی قه‌ره‌باڵغی نه‌خۆشخانه‌كه ده‌خاته‌ڕوو.
ته‌ندروستی هه‌ولێر ڕایگه‌یاند: بەشی ڕاوێژکاری نەخۆشخانەی ڕاپەرینی فێرکاری بۆ منداڵان کە هەردەم فشارێکی زۆر و ژمارەیەکی زۆری نەخۆش ڕۆژانە دەبینرێت، لەو بەشە کە زیاتر لە 700 تا 1000 نەخۆش دەبینرێت.
ڕاشیگه‌یاند: لەو بەشە تەنیا حاڵەتی سارد Cold case دەبینرێت، واتە هیچ حاڵەتێکی کتوپڕ ناچێتە ئەو بەشە و لە هەموو نەخۆشخانەیەکی دونیاش حاڵەتی سارد دەتوانێت چاوەڕێ بکات تا نۆرەی دێت.
هه‌روه‌ها ڕایگه‌یاند: چۆن لە کلینیکە تایبەتەکان بە نۆرە و چەند ڕۆژ چاوەڕوانی تا لەلایەن پزیشکی تایبەت نەخۆشەکە دەبینرێت،
لە ڕاوێژکاریش پێویستە کەسوکاری نەخۆش هاوکاربن.
سه‌باره‌ت به هۆكارێكی تری قه‌ره‌باڵغی به‌رده‌وامی نه‌خۆشخانه‌ی ڕاپه‌ڕین، ته‌ندروستی هه‌ولێر ئاماژه‌ی به‌وه دا: هەموو قەرەباڵغییەکه‌ش مەرج نییە زۆری ژمارەی نەخۆش بێت، چونکە ئەگەر (20) نەخۆش لە ڕاوێژکارییه‌كه بێت، هەریەکە دایک و باوکی لەگەڵ بێت، ئەو کات 60 کەس لە ڕاوێژکارییه‌كه دەبینرێت.
کۆمێنت (0)
تا ئێستا هیچ کۆمێنتێک نەکراوە.