پشتی كۆنگرەیێ 14 ێ یێ پارتی دیموكراتی كوردستان و گۆهرینا بەرپرسێن لقان پارتی بەرهەڤبوو بۆ هەلبژاردنان و ل ئاكرێ و بەردەرەش ژی تەمام بەرهەڤی هاتینە كرن، بەرپرسێ لقا 9 یا پارتی دبیژیت، پشتراستم كو دەنگێن پارتی دێ زێدەبن.
دكتۆر مەردان خدر بەرپرسێ لقا9 یا پارتی ل ئاكرێ و بەردەرەش بۆ كوردستان تیڤی راگەهاند مە وەك و حزب هەر دەستپێكێ و پشتی كۆنگرێ 14 مە هزر د رێكخستنێ داكر و مە خۆ بەرهەڤكر بۆ هەلبژاردنان مە د دەستپێكێدا ڤەخواندن بۆ رێكخستنا پارتی و خزمەتكرنا خەلكی كریە حەتا كو د نها دا ئەم د قۆناغا دوماهیێ داینە و بتەنێ چەند گۆ هرینێن كێم ماینە و ئەڤ گۆهرینە مە ژبۆ خزمەتكرنا خەلكێ دەڤەرێ كرینە.
هەروەسا لدۆر ئەنجامدانا هەلبژاردنێن پەرلەمانێ كوردستانێ دیاركر، ئەگەر سبەهی هەلبژاردن بهێن كرن ئەم د بەرهەڤین و دێ د خزمەت وەلاتیێن ڤان دوو دەڤەران دابین هەروەسا مە هەمی بزاڤكرینە ژبۆ كو د ئاست خزمەتا وەلاتیان دابین ژ وانا ژی مە گۆ هرین د ئۆرگانێن لقێ داكرینە ئارمانج ژ گۆهرینێن مەژی ئەوەكو د ئاست رازی بوونا خەلكێ خۆیێ خۆشتڤی دابین.
بەرپسێ لقا9 دبیژیت ژی، ئەز پشتراستم كو دەنگێن پارتی ل هەردوو قەزایێن ئاكرێ و بەردەرش دێ زێدەبن و مە پلان هەیە و كاردكەین بۆ دەنگێن نارازی و لێكتێگەهشتن دناڤبەرا مەداهەبیت و گوه ل خواست و داخوازیێن وان بگرین و ئارمانجا مەیا سەرەكی خزمەتگرنا تەخا گەنجانە و دێ داخوازیێن وان جێبەجێ كەین و مە دڤێت ئەم رێژەیا بێكاریێ ل ڤێ دەڤەرێ كێم بكەین.
لدۆر كاندیدان ژی دبێژیت، مە چەند پیڤەرەك هەنە بۆكاندیدكرنا وان كەسان یێن دڤێت ببنە پەرلەمانتارێن پارتی یەك دڤێت كەسەك بیت یێ بەرنیاس بیت لدەف خەلكی و خەلكی بڤێت دوو شیانێن هندێ هەبن خزمەتا خەلكی بكەت و خواست و داخوازیێن وان بگەهینیت سێ دڤێت مە كاندیدێن هەموو تەخ و چینان هەبن بتایبەت ژی یێن گەنجان ژبەركو هەموو ئارمانجێن مە خزمەتكرنا كەنجانە كو هەتا نها مە ل ڤێ دەڤەرێ كاندیدێ گەنجان نە بوو یە هە تا نها رێژەیەكا زۆر یا سیڤیان بۆ مە هاتیە لێ ئەم پشت بەستنێ لسەر سیڤیان ناكەین و دێ لسەر ڤان پیڤەرێن مەگۆتی كار كەین.
ئاکرێ- غەفار تەیب
کۆمێنت (0)
تا ئێستا هیچ کۆمێنتێک نەکراوە.