دچارچوڤێ وان بەرهەڤیێن دهێنە کرن بو ئەنجامدانا ئەزمونێن قوناغا دوازدێ ئامادەیى ئەڤرۆ سپێدێ رۆژا چارشەمبى 31/گولانا /2023 ماجد سەید سالح جێگرێ پارێزگارێ دهۆکێ سەرپەرشتیا کۆمبوونەکا تایبەت کر ب ئامادەبونا عومەر عەلى تەها رێڤەبەرێ گشتى یێ پەروەردێ ل پارێزگەهێ ونونەرێن چەند فەرمانگەهێن پەیوەندیدار.
دکۆمبونێ دا بەحسێ بەرهەڤیێن کارگێرى ولوجستى ورێکارێن گشتى یێن ئەنجامدان ئەزمونان یێن ژلایێ رێڤەبەریا گشتى پەروەردێ هاتینە کرن بو ئەنجامدان ئەزمونێن دوازدێ ئامادەیى ب گشتى هاتە کرن.
جێگرێ پارێزگارێ دهۆکێ هەموو سازیێن پەیوەندیدار راسپاردن کو دگەل سازیێن پەروەردێ هەڤکاربن و هەموو ئاسانکاریا بکەن کو ئەزمون ب رێک وپێکى و دسەقایەکێ ئارام دا بهێنە ئەنجامدان وپشتەڤانیا پارێزگەهێ نیشان دا بو هاریکاریەکێ.
بریار ئەوە ل دەم ژمێر (7.5) سپێدەیا رۆژا شەمبى رێکەفتى 3-6-2023 دەست ب ئەنجامدانا ئەزمونان بهێتە کرن ورێڤەبەریا گشتى یا پەروەردێ (529) بنگە ئامادەکرینە کو (26) هزار و(170) قوتابى ل سەرانسەرى پارێزگەهێ ئەزمونان ئەنجامدەن.
دهۆك.. ل رۆژا شەمبیا بهێت ئەزمونێن ویزارى یێن دوازدێ ئامادەیى دێ دەست پێکەن و(26) هزار و(170) قوتابى دێ پشکداریێ تێدا کەن
100%
کۆمێنت (0)
تا ئێستا هیچ کۆمێنتێک نەکراوە.