جێگری سه‌رۆكی ئه‌نجوومه‌نی نوێنه‌رانی عێراق له كۆبوونه‌وه‌یه‌كدا له‌گه‌ل نوێنه‌ری جوتیارانی هه‌رێمی كوردستان، ڕاسته‌وخۆ به سه‌رۆك وه‌زیران و جێگره‌كه‌ی و وه‌زیری كشتوكاڵه‌وه ده‌كات.
شاخه‌وان عه‌بدوڵا جێگری سه‌رۆكی ئه‌نجوومه‌نی نوێنه‌رانی عێراق ڕایگه‌یاند: ئەمرۆ دووشه‌م لە شاری بەغدا پێشوازیمان کرد لە نوێنەری جوتیارانی کوردستان، ئامانج لەسەردانه‌كه‌یان بۆ بابەتی کەمی وەرگرتنی رێژەی گەنم و مەرجی بوونی پلانی کشتوکاڵی بوو.
ڕاشیگه‌یاند: هه‌ر له كۆبوونه‌وه‌كه ڕاستەوخۆ پەیوەندیمان بە سەرۆک وەزیران و جێگری سەرۆک وەزیران و وه‌زیری کشتوکاڵی عێراقه‌وه کرد.
شاخه‌وان عه‌بدوڵا ئاماژه‌ی به‌وه‌ش دا كه بڕیاردرا هەر لەم هەفتەیەدا کۆبوونەوەیەک بکرێت و بابەته‌كانی کەمی وەرگرتنی رێژەی گەنمی جوتیارانی هه‌رێمی كوردستان و مەرجی بوونی پلانی کشتوکاڵی چارەسەر بکریت.
جێگری سه‌رۆكی ئه‌نجوومه‌نی نوێنه‌رانی عێراق مژده‌شی به جوتیاران دا كه له كۆبوونه‌وه‌كه‌دا بریار لەسەر زیادکردنی رێژەی وه‌رگرتنی گه‌نمی جوتیارانی هەرێمی كوردستان بدرێت .
کۆمێنت (0)
تا ئێستا هیچ کۆمێنتێک نەکراوە.