چەند ڕۆژێکە لافاو چەند شارێکی ئەفغانستانی گرتووەتەوە و تاوەکو ئێستاش بەهۆی لافاوەکانەوە 13 کەس گیانیان لەدەست داوە و هەشت کەسی دیکەش بریندار بوون.
شەفیعوڵڵا ڕەحیمی گوتەبێژی حکوومەتی تاڵیبان بۆ کارەساتە سروشتییەکان، لەبارەی لافاوەکان ڕایگەیاند: لافاوەکان بەزۆری ویلایەتەکانی لاغمان، پاکتیا، دایکوندی، خۆست، نانگەرهار، مەیدان وەردەک، قەندەهار، بەغلان و غۆری گرتووەتەوە.
ڕاشیگەیاند: تاوەکو ئێستا 13 کەس بەهۆی لافاوەکانەوە گیانیان لەدەست داوە و هەشت کەسی دیکەش بریندار بوون، لە هەندێک ناوچەش ڕێگەکان و تۆڕی دابەشکردنی ئاو، خاپووربوون.
ئەوەشی خستەڕوو کە زیاتر لە سێ هەزار دۆنم زەوی کشتوکاڵی و 56 خانووش زیانیان بەرکەوتووە.
کۆمێنت (0)
تا ئێستا هیچ کۆمێنتێک نەکراوە.