Erbil 15°C چوارشەممە 17 نیسان 22:15

ئاسایشی هه‌ولێر په‌یامێك بۆ پاراستنی گیانی هاووڵاتییان بڵاو ده‌كاته‌وه‌

کوردستان TV
100%

به‌ڕێوه‌به‌رایه‌تی ئاسایشی هه‌ولێر په‌یامێكی ئاراسته‌ی هاووڵاتییان كرد و داوای كرد له‌ كاتی ڕووداو یاخود ده‌ستگیركردنی تۆمه‌تبارێك خۆیان به‌دوور بگرن و له‌ شوێنی ڕووداوه‌كه‌ كۆ نه‌بنه‌وه‌.

ئاسایشی هه‌ولێر له‌ په‌یامه‌كه‌دا بۆ هاووڵاتییان ڕایگه‌یاند: تکایە لە کاتی ڕووداوەکاندا، لە شوێنی ڕووداو كۆمەبنەوە و هەوڵ بدەن نەبنە هۆکاری ڕێگری و دروستكردنی لەمپەر لەبەردەم هێزەکانمان، تاوەكو هێزەکانمان بتوانن بە باشی ئەرکی خۆیان ئەنجام بدەن.

ڕاشیگه‌یاند: هەندێکجار لە کاتی دەستگیرکردنی تۆمەتباراندا، ئەگەر هەیە تۆمەتبار ڕووبەڕووی هێزەکانمان ببێتەوە و هەوڵی هەڵاتن بدات، تکایە لەپێناو ئەوەی گیانی ئێوەی خۆشەویست پارێزراو بێت، داواتان لێ دەكەین، خۆتان بە دوور بگرن و لە شوێنی ڕووداوەکان كۆنەبنەوە.

ئاسایش جه‌ختیشی كرده‌وه‌ كه‌ هەموو هەوڵێك دەده‌ن بە باشترین شێوە سەر و ماڵی هاووڵاتییان و تەواوی دانیشتووانی هەرێمی كوردستان بپارێزێت، بۆیە هاوكاریكردنیان وەك هەمیشە، جێگەی ڕێزێكی زۆرە.

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.