ئێواره‌ی ئه‌مڕۆ پێنجشه‌م له سنووری پارێزگای كه‌ركووك له‌نێوان دوو بنه‌ماڵه شه‌ڕه ته‌قه ڕوویداوه و به‌هۆیه‌وه 3 كه‌س بریندار بوون.
هه‌ڵۆ جه‌باری په‌یامنێری (كوردستان تیڤی) له شاری كه‌ركووك پێی ڕاگه‌یاندین: ئێواره‌ی ئه‌مڕۆ پێنجشه‌م له گوندی قه‌ره‌لوو له سنووری شارۆچكه‌ی له‌یلان له خۆرهه‌ڵاتی كه‌ركووك له‌نێوان دوو بنه‌ماڵه كێشه دروست بووه.
ڕاشیگه‌یاند: كێشه‌كه له‌سه‌ر زه‌وی و زار بووه و هه‌ردوولای شه‌ڕكه‌ریش دانیشتووی یه‌ك گوندن.
هه‌روه‌ها ڕایگه‌یاند: له ئه‌نجامی شه‌ڕه ته‌قه‌كان 3 كه‌س به گولـله بریندار بوون كه دوو برا و ئامۆزایه‌كن به ناوه‌كانی (محەمەد تەها يوونس/ تەمەن 32 ساڵ) و (باسم تەها یوونس/تەمەن 23 ساڵ) و (یوونس تەها یوونس تەمەن 38 ساڵ).
په‌یامنێرمان ئاماژه‌ی به‌وه‌ش دا كه ئێستا هه‌رسێ برینداره‌كه گه‌یه‌نراونه‌ته نه‌خۆشخانه‌ی كه‌ركووك و چاره‌سه‌ریان وه‌گرتووه.
کۆمێنت (0)
تا ئێستا هیچ کۆمێنتێک نەکراوە.