لە هەریر کەسێک براکەی خۆی دەکوژێت

کەسێک لە ناحییەی هەریر لەسەر کێشەیەکی خێزانی براکەی خۆی دەکوژێت، هێزەکانی پۆلیس سەرقاڵی بەدوادچوون و دەستگیرکردنی بکەری تاوانەکەن.

کاتژمێر 02:30 خولەکی دوانیوەڕۆی ئەمڕۆ هەینی 14ـی 04ـی 2023 ڕووداوێکی کوشتن لە ناحییەی هەریر ڕووی داوە، دەستبەجێ گەیشتنە شوێنی ڕووداو و لە لێکۆڵینەوەکاندا دەرکەوت کە تۆمەتبارێک بە ناوی (ع. ک. ح) لەسەر کێشەیەکی خێزانی براکەی خۆی بە ناوی (وەلید ک.ح) تەمەن (45 ساڵ) کوشتووە.

ڕاشیگەیاند: ئێستا هێزەکانی پۆلیس سەرقاڵی بەدواداچوون و دەستگیرکردنی بکەری سەرەکی تاوانەکەن، تاوەکو بدرێتە دادگە.

پۆلیسی هەولێر ئاماژەی بەوەش داوە کە پەڕاوی لێکۆڵینەوە بۆ ڕووداوەکە کراوەتەوە، تاوەکو ڕێڕەوی یاسایی بەرامبەر تۆمەتبار بگیرێتەبەر.