ناوه‌ندیی بوومه‌له‌رزه‌زانی نیشتمانی له سووریا ئه‌مڕۆ یه‌كه‌شه‌م ئاشكرای كرد كه له ماوه‌ی 24 كاتژمێری ڕابردوودا 13 بوومه‌له‌رزه‌یان به گوڕی جیاوازی لاواز و مامناوه‌ند له وڵاته‌كه‌یاندا تۆمار كردووه.
ناوه‌نده‌كه له به‌یاننامه‌یه‌كدا ڕایگه‌یاند: وێستگه‌كانی تۆماركردنی بوومه‌له‌رزه تا كاتژمێر 7:46ی سه‌رله‌به‌یانی ئه‌مڕۆ یه‌كشه‌م 13 بوومه‌له‌رزه‌یان تۆمار كردووه.
ڕاشیگه‌یاند: بوومه‌له‌رزه‌كانیش به‌مشێوه‌یه بوون، یه‌ك بوومه‌له‌رزه‌ی گوڕی لاواز له باشووری رۆژهه‌ڵاتی پارێزگای لازقییه ڕوویداوه، 6 بوومه‌له‌رزه‌ی تر له ناوچه‌ی ئه‌سكه‌نده‌رون كه چواریان گوڕه‌كه‌ی مامناوه‌ند بووه و دوانه‌كه‌ی تریش گوڕه‌كه‌ی لاواز بوون، له‌گه‌ڵ 2 بوومه‌له‌رزه‌ی لاوازی تر له ناوچه‌كانی سنووری لبنان و فه‌ڵه‌ستین، هه‌روه‌ها 4 بوومه‌له‌رزه‌ی لاواز له ناوچه‌كانی سنووری توركیا.
ئاماژه‌ی به‌وه‌ش دا كه چه‌قی بوومه‌له‌رزه‌كان جیاواز بوونه و یه‌كێكیان له‌نێو خاكی فه‌ڵه‌ستین ڕوویداوه.
جه‌ختیشی كرده‌وه كه به‌هۆی ئه‌وه‌ی بوومه‌له‌رزه‌كان مامناوه‌ند و لاواز بوون، زیانی گیانیان به‌دوای خۆیاندا نه‌هێناوه.
کۆمێنت (0)
تا ئێستا هیچ کۆمێنتێک نەکراوە.