دژه‌تیرۆری كوردستان زانیاری له‌سه‌ر شه‌هیدبوونی پێشمه‌رگه‌یه‌ك بڵاو ده‌كاته‌وه‌

دژه‌تیرۆری كوردستان له‌ به‌یاننامه‌یه‌كدا زانیاری له‌سه‌ر ئه‌و پێشمه‌رگه‌یه‌ بڵاو كرده‌وه‌ كه‌ ئه‌مڕۆ پێنجشه‌م به‌ ڕووداوێك شه‌هید بوو.

دژه‌تیرۆری كوردستان رایگه‌یاند: بە داخێكی زۆرەوە ئەمڕۆ پێنجشەم (خەڵات ئەحمەد عەبدوڵا) پێشمەرگەی دژەتیرۆری کوردستان بە مەبەستی کۆکردنەوەی گژوگیا بەهارییەکان ڕووی کردووەتە چیای مووسەکا لە دەڤەری مزووریی باڵا و لەوێ مینی پێدا دەتەقێتەوە و لە ئەنجامدا شەهید دەبێت.

دژه‌تیرۆری كوردستان هه‌روه‌ها پرسە و سەرەخۆشی خۆی ئاراسته‌ی خانەوادە و كەسوكار و دۆستانی شەهید خەڵات كرد.

داواشیان له‌ خوای گەورە كرد ڕۆحی شەهید خەڵات بە بەهەشتی بەرینی خۆی شاد بكات و سەبر و ئارامیش بە هەموو لایەک ببەخشێت.