وه‌زاره‌تی ته‌ندروستی حكوومه‌تی هه‌رێمی كوردستان ئه‌مشه‌و چوارشه‌م ئاگادارییه‌كی له‌سه‌ر پێشخستنی منداڵبوون بۆ ڕێكه‌وته سه‌رنجڕاكێشه‌كان بڵاو ده‌كاته‌وه و تێیدا جه‌ختی كرده‌وه كه هه‌ر پزیشك و نه‌خۆشخانه‌یه‌ك به‌بێ به‌ڵگه‌ی پزیشكی ئه‌م جۆره نه‌شته‌رگه‌ییه بكات ڕووبه‌ڕووی ڕێكاری یاسایی ده‌بێته‌وه.
وه‌زاره‌تی ته‌ندروستی له ئاگادارییه‌كه‌دا ڕایگه‌یاند: دوای تێبینیکردنی دیاردەی پەلەکردن یان دواخستن لە وادەی دیارکراوی زانستی و کلینیکی بەڵگەدار بۆ منداڵبوونی ئافرەتانی دووگیان یان ئەنجامدانی نەشتەرگەری لە ڕێکەوتە سەرنج ڕاکێشەکان و ڕۆژانی بۆنە و یادەکان بۆ نموونە وەکو (3/3/2023) یان (23/3/2023) بەتایبەتی لەسەر داوای ئافرەتانی دووگیان هەڵدەستن بە ئەنجامدانی نەشتەرگەری و خێرا یان دواخستن بێ ڕەچاوکردنی بوونی بەڵگەی زانستی و کلینیکی تەنها بۆ تۆمارکردنی ئەم ژمارە و رێکەوتانە وەکو ساڵیادی لەدایكبوون.
ڕاشیگه‌یاند: لەپێناو بەرژەوەندی و سەلامەتی نەخۆش و دایکان و منداڵانی تازە لەدایکبوو، ئاگاداری سەرجەم نەخۆشخانەکانی کەرتی گشتی و کەرتی تایبەت و پزیشکانی بەڕێز دەکەینەوە بۆ ڕێگریکردن لەم دیاردەیە و تەنها بە بوونی بەڵگەی پزیشکی و کلینیکی پێویستە ئەنجام بدرێت، بە پێچەوانەوە پزیشکی بەرپرس و نەخۆشخانە رووبەڕووی رێکاری یاسایی دەبنەوە بۆ هەر گرفت و ئاڵۆزکارییه‌كك.
کۆمێنت (0)
تا ئێستا هیچ کۆمێنتێک نەکراوە.