لە بازاڕە نێودەوڵەتییەکاندا نرخی بەرمیلێک نەوتی خاوی برێنت گەیشتە 73 دۆلار و سێ سەنت.
کاتژمێر 9:32ی خوله‌كی به‌یانی ئه‌مڕۆ سێشه‌ممه21ی3ی2023 نرخەکان بە رێژەی سەدا 1،03 دابەزینیان بەخۆوەبینی و نرخی بەرمیلێک خاوی برێنت گەیشتە 73 دۆلار و سێ سەنت.
لە هەمان کاتدا بەرمیلێک نەوتی رۆژئاوای تەکساس بە 67 دۆلار و 12 سەنت فرۆشرایە کڕیاران.
ناڕوونییەکان لە سیاسەتی دراوی بانکی ناوەندی ئەمریکا (Fed) و نیگەرانییەکان لە قەیرانە بانکییەکان، کاریگەرییان لەسەر دابەزینی نرخەکان هەبوو.
بڕیاریشە ئەمڕۆ کۆبوونەوەی کۆمیتەی بازاڕی کراوەی فیدراڵی ئەمریکا، دەستپێبکات و ماوەی دوو رۆژ بخایەنێت.
وێڕای کەم کردنەوەی رێوشوێنەکان لە بەرامبەر نیگەرانییەکان لە قەیرانە بانکییەکان کە لە ئەمریکاوە دەستیپێکرد و بۆ وڵاتانی ئەورووپیش پەلیهاویشت، بەڵام تا ئێستا ناروونییەکانی بازاڕ لەبارەی قۆناغەکەوە بەردەوامن و ئەمەش گوشار دەخاتە سەر نرخەکان.
ئاماژە بەوەیش دەدرێت رەنگە لەڕووی تەکنیکییەوە خاوی برێنت لەنێوان 73 دۆلار و 24 سەنت بۆ 73 دۆلار و 53 سەنت بەرھەڵستی بنوێنێت و نرخەکەی لەنێوان 72 دۆلار و 95 سەنت بۆ 72 دۆلار و 66 سەنت بمێنێتەوە.
کۆمێنت (0)
تا ئێستا هیچ کۆمێنتێک نەکراوە.