وه‌زاره‌تی ته‌ندروستی حكوومه‌تی هه‌رێمی كوردستان ڕایگه‌یاند كه ئه‌مڕۆ دووشه‌م بڕێكی زۆری ده‌رمانی قاچاخ و بێ سه‌رچاوه‌یان ده‌ست به‌سه‌ردا گرت.
وه‌زاره‌تی ته‌ندروستی رایگه‌یاند: بڕێکی زۆر لە دەرمانی قاچاخ و بێ سەرچاوە دەستیان بەسەرداگیرا کە لەلایەن دوو ئۆتۆمبێلەوە بەنیازبوون بە شێوەی قاچاخ لە بازگەی بێخالەوە بیگوازنەوە بۆ ناو شاری سۆران.
ڕاشیگه‌یاند: ده‌رمانه قاچاخه‌كان لەلایەن بنکەی بەڕێوەبەرایەتی کۆنتڕۆڵی جۆری دەرمان (KMCA) و ئیدارەی سەربەخۆی سۆران و بە هەماهەنگی لەگەل ئاسایشی بازگەکانی سۆران ده‌ستیان به‌سه‌ردا گیرا.
ئاماژه‌ی به‌وه‌ش دا كه سەرپێچیکاران درانە دادگا و پەراوی لێکۆلینەوەیان بۆ کرایەوە.
کۆمێنت (0)
تا ئێستا هیچ کۆمێنتێک نەکراوە.