سێ تۆمەتبار له‌كاتی‌ دزی كردندا دەستگیركران

مەفرەزەكانی نوسینگه‌ی‌ نه‌هێشتنی‌ تاوانی‌ ڕاپه‌ڕین سێ تۆمەتباریان له‌كاتی‌ دزی كردندا دەستگیركرد.
ئه‌مرۆ دووشه‌ممه‌20ی2ی2023" پۆلیسی سلێمانی بڵاویكرده‌وه‌: له‌میانه‌ی‌ گه‌ڕانه‌ به‌رده‌وامه‌كانی‌ مەفرەزەكانی نوسینگه‌ی‌ نه‌هێشتنی‌ تاوانی‌ ڕاپه‌ڕین بۆ ناو بازاڕو گه‌ڕه‌كه‌كان، توانرا سێ تۆمه‌تبار له‌كاتی‌ دزی‌ كردندا ده‌ستگیربكرێن كه‌ بتڵی‌ غازو چه‌ند كه‌لوپه‌لێكی‌ تریان دزیبوو.
پۆلیس ئاماژه‌ی به‌وه‌شكردووه‌"له‌كاتی‌ ده‌ستگیركردنی‌ تۆمه‌تباره‌كاندا ده‌ستیشگیرا به‌سه‌ر ئوتۆمبێلی‌ تۆمه‌تباران‌و چه‌كێك له‌جۆری‌ ده‌مانچه‌و چه‌ند ئامێرێكی‌ تردا كه‌ بۆ تاوانی‌ دزی كردن بەكاریانهێناوە .
پۆلیسی سلێمانی راشیگه‌یاندووه‌"لەئێستادا سه‌رجه‌م تۆمەتباران (م، ف، م) له‌دایكبووی‌ 1997 و (هـ، ر، ك) له‌دایكبووی‌ 2002 و (هـ، هـ، ع) له‌دایكبووی‌ 2003 بەبڕیاری  دادوەرو بەپێی ماددەی 446 لەیاسای سزادانی عیراقی ڕاگیراون‌و لێكۆڵینەوە لەگەڵیان بەردەوامە.