گوتەبێژی وەزارەتی دەرەوەی ئێران ئامانجی سەردانەکەی سەرۆک وەزیرانی عێراقی بۆ تاران ئاشکرا کرد و بڕیارە تاوتوێی بۆردومانەکانی ئێران بۆ سەر هەرێمی کوردستان بکرێت.
ناسڕ کەنعانی، گوتەبێژی وەزارەتی دەرەوەی ئێران ڕایگەیاند: سبەی سێشەممە محەمەد شیاع سوودانی لەسەر بانگهێشتی فەرمی ئیبراهیم ڕەئیسی سەرۆک کۆماری عێراق سەردانی تاران دەکات.
ڕاشیگەیاند: ئامانجی سەردانەکە بۆ گفتوگۆکردنە سەبارەت بە پەیوەندییە دوو قۆڵییەکانی نێوان هەردوو وڵات لەبارەی پرسە ئابووری، بازرگانی، سیاسییەکان و لیژنەی باڵای هاوبەشی نێوان هەردوو وڵات.
کەنعانی باسی لەوەش کرد کە بڕیارە دۆسیەی ئاو، سنوورەکانی نێوان هەردوو وڵات و بۆردومانی ئێران بۆ سەر هەرێمی کوردستان لە کۆبوونەوەکاندا لەگەڵ سوودانی تاوتوێ بکرێت.
گوتەبێژی وەزارەتی دەرەوەی ئێران ئاماژەی بەوەش دا کە ئێران و عێراق پرسی هاوبەشی زۆریان هەیە و هیوادارم ئەم سەردانە یارمەتیدەر بێت لە پەرەپێدانی پەیوەندییە دوو قۆڵییەکانی نێوان هەردوو وڵات.
کۆمێنت (0)
تا ئێستا هیچ کۆمێنتێک نەکراوە.