Erbil 6°C پێنجشەممە 08 کانونی یەکەم 06:31

موقته‌دا سه‌در تویتێك له‌سه‌ر مۆندیال ده‌كات

کوردستان TV
100%

ڕێبه‌ری ڕه‌وتی سه‌در ئه‌مڕۆ یه‌كشه‌م تویتێكی له‌سه‌ر ده‌ستپێكردنی یارییه‌كانی مۆندیالی 2022ی قه‌ته‌ڕ كرد و ڕایگه‌یاند كه‌ یه‌كێك له‌ به‌رهه‌مه‌كانی ئه‌م مۆندیاله‌ گه‌ڕانه‌وه‌ی په‌یوه‌ندییه‌ له‌نێوان قه‌ته‌ڕ و سعوودییه‌.

موقته‌دا سه‌در ڕێبه‌ری ڕه‌وتی سه‌در له‌ تویته‌كه‌دا ده‌ڵێت: به‌ڕێوه‌چوونی یه‌كه‌م مۆندیالی عه‌ره‌بی به‌رهه‌مه‌كه‌ی گه‌ڕانه‌وه‌ی په‌یوه‌ندییه‌كانی نێوان قه‌ته‌ڕ و سعوودییه‌ بوو.

ڕاشیگه‌یاند: ڕه‌نگه‌ ئه‌م جامی جیهانییه‌ ببێته‌ هۆی یه‌كڕیزی وڵاتانی عه‌ره‌بی و ئیسلامی به‌گشتی و هه‌روه‌ها بڵاوبوونه‌وه‌ی ئاشتی به‌تایبه‌تیش له‌ یه‌مه‌ن و سووریا و لبنان و وڵاتانی تری عه‌ره‌بیدا.

موقته‌دا سه‌در گوتیشی: مۆندیالی 2022 ده‌بێته‌ به‌ڵگه‌یه‌كی ڕوون بۆ وڵاتانی جیهان كه‌ عه‌ره‌ب و موسڵمانانیش توانای به‌ڕێوه‌بردنی پاڵه‌وانیه‌تی گه‌وره‌یان هه‌یه‌ و هه‌روه‌ها توانای بڵاوكردنه‌وه‌ی ئاشتی و یه‌كڕیزییان‌ له‌سه‌ر ئاستی عه‌ره‌بی و ئیسلامی و جیهانیشدا هه‌یه.

ئاماژه‌ی به‌وه‌ش دا كه‌ ئه‌نجامدانی مۆندیالی 2022ی قه‌ته‌ڕ گه‌وره‌ترین سه‌ركه‌وتنه‌ به‌رامبه‌ر به‌ وڵاتانی ڕۆژئاوا.

جێی باسه‌ سه‌رله‌ئێواره‌ی ئه‌مڕۆ یه‌كشه‌م ئاهه‌نگی ده‌ستپێكردنی یارییه‌كانی مۆندیالی 2022 به‌شێوه‌یه‌كی نایاب له‌ وڵاتی قه‌ته‌ڕ به‌ڕێوه‌چوو و دواتریش یه‌كه‌م یاری پاڵه‌وانیه‌تییه‌كه‌ له‌نێوان هه‌ردوو هه‌ڵبژارده‌ی قه‌ته‌ڕی مێواندار و ئیكوادۆڕ ده‌ستی پێ كرد.

رۆژهه‌ڵاتی ناوه‌راست عێراق

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.