Erbil 7°C یەکشەممە 04 کانونی یەکەم 07:58

ئه‌مڕۆ رۆژی جاردانی مافی منداڵانه‌

کوردستان TV
100%


٢٠ی تشرینی دووەم ڕۆژی جیهانی مافەکانی منداڵە، لەگەڵ ئەوەی لەو وڵاتانەی جەنگ و ئاڵۆزیی تێدایە مافەکانی منداڵان پێشێل دەکرێت، بەڵام لە زۆربەی وڵاتان بە چالاکی جۆراو جۆر لەم ڕۆژەدا باس لە مافەکانی منداڵ دەکرێت.


لە ساڵی ١٩١٧دا پێشێلکردنی مافەکانی منداڵان خرایە ڕۆژەڤەوەو هەوڵ درا ڕۆژێک بۆ پاراستنی مافەکانی منداڵان دیاری بکرێت، لەسەر داواکە لە ساڵی ١٩٢٥ کۆنفرانسێک لەسەر باشبوونی بارودۆخی منداڵان لە جنێف بەڕێوەچوو، لە کۆنفرانسەکەدا ٥٤ خاڵ بۆ مافەکانی منداڵان پێشکەش کرا و ٢٠ی تشرینی دووەم وەک ڕۆژی جیهانی مافەکانی منداڵان پێشنیار کرا.

هەندێک لەم خاڵانە، تەمەنی منداڵی سفر بۆ ١٨ ساڵە ئەوانەی خوار تەمەنی ١٨ ساڵن تاوانبار نابن و نابێت بخرێنە ناو زیندان، دوای ٦٤ ساڵ و ساڵ لە ساڵی ١٩٨٩ ئەم پێشنیارەی کۆنفڕانسەکە بە فەرمی لەلایەن نەتەوە یەکگرتووەکانەوە پەسەند دەکرێت.


ڕۆژی جیهانی مافەکانی منداڵان لە لایەن ١٩٥ دەوڵەتەوە پەسەند کراوە، لیژنەیەکی چاودێری لەلایەن نەتەوە یەکگرتووەکانەوە بۆ چاودێریکردن و جێبەجێکردنی ئەو ڕێککەوتننامەیە دەستنیشان دەکرێت، ئەرکی ئەم لیژنەیە ڕەچاوی بارودۆخی ئەو منداڵانە بکات کە لە ١٩٥ دەوڵەتدا دەژین هەر پێنج ساڵ جارێک ڕاپۆرتیان بۆ نەتەوە یەکگرتووەکان بدات بە وتەی کۆمسیۆن، کۆمسیۆن ئەرکی خۆی جێبەجێ ناکات، بۆیە منداڵان لە شەڕدا دەکوژرێن و وەک تاوانبار دەخرێنە زیندانەکانەوە.
ئا- كامران

شێوازی ژیان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.