Erbil 11°C شەممە 03 کانونی یەکەم 06:32

مه‌ترسییه‌كی گه‌وره‌ به‌ڕێوه‌یه‌.. سبه‌ی هه‌ساره‌یه‌كی زه‌به‌لاح له‌ زه‌وی نزیك ده‌بێته‌وه‌

کوردستان TV
100%

سبه‌ی سێشه‌م هه‌ساره‌یه‌كی زه‌به‌لاح به‌ته‌واوه‌تی له‌ هه‌ساره‌ی زه‌وی نزیك ده‌بێته‌وه‌، به‌هۆی گه‌وره‌یی قه‌باره‌كه‌شییه‌وه ‌ڕه‌نگه‌ مه‌ترسی له‌سه‌ر گۆی زه‌وی دروست بكات.

قه‌باره‌ی هه‌ساره‌كه‌ زۆر گه‌وره‌یه‌ و نزیكی بورجی خه‌لیفه‌ی وڵاتی ئیماڕات ده‌بێت، ناوه‌كه‌ی (RM4) و تیره‌كه‌ی 740-330 مه‌تره‌.

هه‌ساره‌كه‌ كاتێك به‌ ته‌ك زه‌ویدا تێپه‌ڕ ده‌بێت خێراییه‌كه‌ی 84 هه‌زار كیلۆمه‌تره‌ له‌ كاتژمێرێكدا، واته‌ خێراییه‌كه‌ی 68 جار زیاتره‌ له‌ خێرایی ده‌نگ.

دووری هه‌ساره‌كه‌ له‌ زه‌وی شه‌ش هێنده‌ی دووری مه‌ودای نێوان مانگ و زه‌وی ده‌بێت، ئه‌م مه‌ودایه‌ش‌ به‌ ستاندارده‌ گه‌ردوونییه‌كان به‌ مه‌ودایه‌كی كه‌م داده‌نرێ.

هه‌ساره‌كه‌ سبه‌ی سێشه‌م ده‌گاته‌ نزیكترین خاڵی دووری له‌ زه‌ویدا كه‌ 1.43 ملیۆن میل دوور ده‌بێت له‌ گۆی زه‌وی.

لای خۆشییه‌وه‌ ئاژانسی گه‌ردوونی (ناسا) جه‌ختی كرده‌وه‌ كه‌ پێویست به‌ دوودڵی و ترس ناكات، چونكه‌ هه‌ساره‌كه‌ هیچ مه‌ترسییه‌كی ڕاسته‌وخۆ له‌سه‌ر گۆی زه‌وی دروست ناكات.

زانست و تەکنۆلۆژیا هه‌مه‌ره‌نگ

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.