ئه‌مڕۆ چوارشه‌م ته‌قینه‌وه‌یه‌كی گه‌وره له‌نێو مزگه‌وتێكی شاری كابوولی پایته‌خت له نزیك باره‌گای وه‌زاره‌تی ناوخۆی ئه‌فغانستان ڕووی دا و به‌هۆیه‌وه ژماره‌یه‌ك هاووڵاتی بوونه قوربانی.
وه‌زاره‌تی ناوخۆی ئه‌فغانستان ئاشكرای كرد: ته‌قینه‌وه‌كه له‌نێو مزگه‌وتێكی نزیك باره‌گای وه‌زاره‌تی ناوخۆ له شاری كابوولی پایته‌ختی ئه‌فغانستان ڕوویداوه.
سه‌باره‌ت به ژماره‌ی قوربانییه‌كان، وه‌زاره‌تی ته‌ندروستی ئه‌فغانستان ڕایگه‌یاند: ئه‌وه‌ی تا ئێستا ڕوون بووه‌ته‌وه 3 كوژراو و 25 بریندار هه‌ن كه له كاتی ته‌قینه‌وه‌كه‌دا له‌نێو مزگه‌وته‌كه‌دا بوون.
جێی باسه ڕۆژی هه‌ینی ڕابردوو هه‌ر له شاری كابوول له كاتی تاقیكردنه‌وه‌دا له قوتابخانه‌یه‌ك ته‌قینه‌ویه‌كی گه‌وره ڕووی دا و به‌هۆیه‌وه 50 كه‌س كوژران كه زۆرینه‌یان قوتابی بوون، له‌گه‌ڵ برینداربوونی زیاتر له 100 كه‌س.
کۆمێنت (0)
تا ئێستا هیچ کۆمێنتێک نەکراوە.