سبه‌ی دووشه‌م سه‌رۆك وه‌زیرانی عێراق به سه‌ردانێك ده‌گاته هه‌ولێری پایته‌خت و له‌گه‌ڵ هه‌ریه‌ك له سه‌رۆك بارزانی و مه‌سرور بارزانی سه‌رۆكی حكوومه‌تی هه‌رێمی كوردستان كۆ ده‌بێته‌وه.
مسته‌فا كازمی سه‌رۆك وه‌زیرانی عێراق سه‌رله‌به‌یانی سبه‌ی دووشه‌م ده‌گاته هه‌ولێر، له هۆڵی شه‌هید سه‌عد عه‌بدوڵا له هه‌ولێری پایته‌خت به‌شداری له مه‌ڕاسیمی ساڵیادی كۆچی دوایی مام جه‌لال ده‌كات.
سه‌رۆك وه‌زیرانی عێراق هه‌ر له سه‌ردانه‌كه‌یدا بۆ شاری هه‌ولێر له‌گه‌ڵ سه‌رۆك بارزانی و مه‌سرور بارزانی سه‌رۆكی حكوومه‌تی هه‌رێمی كوردستان كۆ ده‌بێته‌وه.
وه‌ك چاوه‌ڕوان له كۆبوونه‌وه‌كه‌دا مسته‌فا كازمی له‌گه‌ڵ سه‌رۆك بارزانی و مه‌سرور بارزانی، تاوتوێی دۆخی سیاسی عێراق و پرسی پێكهێنانی حكوومه‌تی نوێی عێراق و تۆپبارانه‌كانی ئه‌م دواییه‌ی ئێران بۆ سه‌ر خاكی هه‌رێمی كوردستان بكه‌ن.
کۆمێنت (0)
تا ئێستا هیچ کۆمێنتێک نەکراوە.