سه‌رچاوه ئه‌منییه‌كانی شاری به‌غدا ئاشكرایان كرد كه ئه‌مشه‌و كه‌سێك له‌نێو سنووری فڕۆكه‌خانه‌ی به‌غدا كوژراوه و بۆ ئه‌م مه‌به‌سته‌ش 4 هاوڕێی ده‌ستگیركراون.
به‌گوێره‌ی سه‌رچاوه‌كان ئه‌و كه‌سه‌ی كوژراوه هاووڵاتییه‌كی میسڕییه و وه‌ك كرێكار له‌نێو یه‌كێك له كۆمه‌ڵگه نیشته‌جێیه‌كانی سنووری فڕۆكه‌خانه‌ی به‌غدا كاری ده‌كرد.
هۆكاری مردنه‌كه‌ی تا ئێستا نه‌زانراوه، به‌ڵام ده‌ركه‌وتووه كه له كاتی كاركردن گیانی له‌ده‌ستداوه و ئاسه‌واری سووتانیش به جه‌سته‌یه‌وه دیار بووه.
هێز ئه‌منییه‌كانی شاری به‌غدا به‌هۆی ڕووداوه‌كه 4 هاوڕێی نزیكی كوژراوه‌كه‌یان كه ئه‌وانیش هاووڵاتی میسڕین ده‌ستگیركردووه و لێكۆڵینه‌وه‌یان له‌گه‌ڵ ده‌كه‌ن.
کۆمێنت (0)
تا ئێستا هیچ کۆمێنتێک نەکراوە.