کاتی کۆتاییهاتنی ئەم شەپۆڵەی خۆڵبارین ڕاگەیەنرا

کەشناسی هەرێمی کوردستان ڕایگەیاند، ئەم شەپۆڵەی خۆڵبارین تاوەکو بەیانی زوو سبەی پێنجشەممە بەردەوام دەبێت.

بەڕێوەبەرایەتی گشتیی کەشناسی و بوومەلەرزەزانی هەرێمی کوردستان ڕایگەیاند: پێشبینی دەکرێت کاریگەری تۆز و خوڵ له ‌كاته‌كانی داهاتوو كه‌مێك لاواز ببێت.

ڕاشیگەیاند: تاوەکو کاتەکانی بەیانی زوو پێنجشەممە بەردەوامی دەبێت، پاشان کۆتایی دێت.

کەشناسی ئاماژەی بەوەش دا کە بەهۆی خۆڵبارینەوە مەودای بینین کەمبووەتەوە، مەودای بینینی ئەمڕۆی تاوەکو کاتژمێر 06:00ـی ئێوارەی ئەمڕۆ 22-06-2022  بەمشێوەیە:-

هەولێر 5 کیلۆمەتر

سلێمانی 300 مەتر

دهۆک 10 کیلۆمەتر

کەرکووک 5 کیلۆمەتر

چەمچەماڵ 6 کیلۆمەتر

دووز 6 کیلۆمەتر