Erbil 39°C دووشەممە 04 تەمووز 12:42

عێراق 13 تووشبووی نوێی په‌تای كۆلێرای ڕاگه‌یاند.. زۆرینه‌یان له‌ كوردستانن

کوردستان TV
100%

وه‌زاره‌تی ته‌ندروستی عێراق ئه‌مڕۆ یه‌كشه‌م 13 تووشبووی نوێی په‌تای كۆلێرای له‌ عێراق ڕاگه‌یاند، تووشبووه‌كانیش زۆرینه‌یان له‌ پارێزگای سلێمانی و كوردستانن.

وه‌زاره‌ته‌كه‌ دابه‌شبوونی تووشبووه‌ نوێیه‌كانی په‌تای كۆلێرای به‌مشێوه‌ دیاری كرد: 10 تووشبوو له‌ سلێمانی، 1 تووشبوو له‌ كه‌ركووك، 2 تووشبوو له‌ پارێزگای موسه‌ننا.

وه‌زاره‌تی ته‌ندروستی ئاماده‌كاری ته‌واوی بۆ ڕووبه‌ڕووبوونه‌وه‌ی په‌تای كۆلێرا ڕاگه‌یاند و جه‌ختی كرده‌وه‌ كه‌ ده‌رمان و پێداویستی پزیشكی و تاقیگه‌ی پێویست هه‌ن بۆ دیاریكردن و ڕووبه‌ڕووبوونه‌وه‌ی په‌تاكه‌.

ئاماژه‌ی به‌وه‌ش دا كه‌ به‌ هه‌ماهه‌نگی له‌گه‌ڵ وه‌زاره‌تی ته‌ندروستی هه‌رێمی كوردستان چاودێری دۆخه‌كه‌ و تووشبووان ده‌كه‌ن.

بۆ خۆپارێزی له‌ په‌تای كۆلێرا، وه‌زاره‌ت چه‌ند ڕێنماییه‌كیشی ده‌ركرد كه‌ بریتین له‌:-

شوشتنی ده‌سته‌كان پێش ئاماده‌كردن و خواردنی نان و دوای هاتنه‌ده‌ره‌وه‌ له‌ توالێت.

شوشتنی سه‌وزه‌ و میوه‌ به‌باشی پێش خواردنی.

پاك و خاوێنی له‌ ئاماده‌كردنی خواردن و كوڵاندنی له‌ پله‌یه‌كی به‌رزی گه‌رمی.

گرینگیدان به‌ پاكوخاوێنی چێشتخانه‌ و توالێته‌كان.

به‌كارهێنانی ئاوی خاوێن بۆ خواردنه‌وه‌ و چێشتلێنان.

ئه‌گه‌ریش دڵنیا نه‌بووی له‌ خاوێنی ئاو، پێویسته‌ ئاوه‌كه‌ بكوڵێنرێ و ساردبكرێته‌وه‌ و به‌كارهێنانی ده‌رمانی خاوێنكردنه‌وه‌ی ئاو به‌ گوێره‌ی ڕێنماییه تایبه‌ته‌كان.

تەندروستی

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.