په‌رله‌مانی كوردستان كۆده‌بێته‌وه و خوێندنه‌وه بۆ چه‌ند پرۆژه یاسایه‌ك ده‌كات" له راگه‌یاندراوه‌كه‌ی په‌رله‌مانی كوردستاندا كه كۆپییه‌كی ده‌ست ماڵپه‌ری كوردستان تیڤی كه‌وتووه تێیدا هاتووه، به‌پێی حوكمی مادده‌ی (5) و بڕگه‌ی (یه‌كه‌م) له مادده‌ی (16) و بڕگه‌ی (سێیه‌م) له مادده‌ی (18) و بڕگه‌كانی (یه‌كه‌م و دووه‌م و سێیه‌م و چواره‌م و پێنجه‌م) له مادده‌ی (20) و مادده‌كانی (47، 48) و بڕگەی (یەكەم) لە ماددەی (52) و ماددەكانی (54، 55، 56، 57) له په‌یڕه‌وی ناوخۆی په‌رله‌مانی كوردستان ـ عێراق، ده‌سته‌ی سه‌رۆكایه‌تی په‌رله‌مان بڕیاریدا به‌رنامه‌ی كاری دانیشتنی ژماره (1)ی ئاسایی خولی بەهارەی ساڵی چوارەم له خولی پێنجه‌می هه‌ڵبژاردنی په‌رله‌مان له كاتژمێر (10)ی بەیانی ڕۆژی چوار شەممە ڕێكه‌وتی 2022/6/15 به‌م شێوه‌یه بێت:
* خوێندنه‌وه‌ی دووه‌م بۆ ئەم پێشنیاز و پڕۆژە یاسایانەی خوارەوە، به‌پێی حوكمی مادده‌كانی (87،88، 89، 97) له په‌یڕه‌وی ناوخۆی په‌رله‌مانی كوردستان.
پێشنیازە یاسای (بەركاركردن و هەمواركردنی یاسای فیدراڵی واژۆی ئەلیكترۆنی و مامەڵە ئەلیكترۆنیەكان ژمارە (78)ی ساڵی2012).
پڕۆژە یاسای (وەزارەتی شارەوانی و گەشتوگوزاری هەرێمی كوردستان ـ عێراق).
پڕۆژە یاسای (دەستەی متمانە بەخشین بە دامەزراوەكان و پڕۆگرامەكانی پەروەردە و خوێندنی باڵا لە هەرێمی كوردستان ـ عێراق).
کۆمێنت (0)
تا ئێستا هیچ کۆمێنتێک نەکراوە.