تیمەكانی شارەوانیی دارەتوو سەر بە بەڕێوەبەرایەتیی گشتیی شارەوانییەكانی هەولێر بە گوژمەی سێسەد و هەشت ملیۆن و حەوتسەد و هەشتا هەزار دینار، پرۆژەی دروستكردنی چەند شەقامێك و ئاوەڕۆی لوولەیی لە گەڕەكی ژین جێبەجێ دەكەن.
پرۆژەكە لە ڕێكەوتی 5-9-2021 دەست بە جێبەجێكردنی كراوە و بڕیارە لە رێكەوتی 1-7-2022 سەرجەم قۆناغەكانی تەواو بكرێت و بكەوێتە خزمەت هاووڵاتییانەوە.
ئەم پرۆژەیە پێكهاتووە لە ڕاخستنی تێكەڵە و ڕاخستنی بەردی شكاو و دانانی قالبی كێربستۆن، هەروەها چەند شەقامێكیش كێشەی ئاوەڕۆیان هەبوو، ئەوانیش چارەسەر دەكرێن، لەگەڵ دروستكردنی شەقامێكی 20 مەتری و ئاوەڕۆی لوولەیی.
گوژمەی پرۆژەكە لەسەر تەمویلی پارێزگای هەولێرە و ئێستا بە ڕێژەی 80%ی تەواو كراوە و بڕیارە لە سەرەتای مانگی داهاتوودا تەواوی قۆناغەكانی تەواو بكرێن.
دانانی هه‌واڵ- شوان عه‌زیز
کۆمێنت (0)
تا ئێستا هیچ کۆمێنتێک نەکراوە.