ڕاوێژکاری ئابووریی پەرلەمانی کوردستان رایده‌گه‌ێنێت، میکانیزمێکی نوێ بۆ دابەشکردنی مووچەی خانەنشینی دادەنرێت و دابەشکردنی مووچە لەڕێگەی کارتی ئەلیکترۆنییەوە دەبێت و لە ھەر بانکێک مووچە دابەش بکرێت، خانەنشینان دەتوانن مووچەکەیان وەربگرن، بۆ ئەو مەبەستەش کاری لەسەر دەکرێت و ھەنگاوی کردارییش نراوە.
د.ئەڕشەد تەھا،ڕاوێژکاری ئابووریی پەرلەمانی کوردستان، به ماڵپەڕی فەرمیی پارتی دیموکراتی کوردستانی راگه‌یاند: لیژنەی دارایی بەدواداچوونی کردووە و بەنیازن شێوازی دابەشکردنی مووچەی خانەنشینان بگۆڕن و بەپێی ئەو بەرنامەیەی لەلایەن تەکنەلۆژیا و زانیارییەوە دانراوە، مووچە هەنگاو بە هەنگاو بکرێتە کارت و ئەو فەوزایەی ھەبوو لە دابەشکردنی مووچەی خانەنشیناندا نەمێنێت و نۆرە نەمینێت و ئەوەش کاری لەسەر دەکرێت و سیستەمەکە دەکرێتە بانکی و لەڕێگەی کارتی ئەلیکترۆنییەوە دابەش دەکرێت و ئێستا دەست بە کار کراوە و سەرەتا وەکوو تێست مووچەی خۆیان پێ وەرگرتووە.
دکتۆر ئەڕشەد تەھا ده‌شڵێت: ئەگەر بکرێتە کارت نۆرەگرتن نامێنێت و دەتوانن لە ھەر بانکێک کە مووچەی لێ دابەش بکرێت، لەڕێگەی ئەپلیکەیشنێکی ناو مۆبایلەوە مووچە وەربگرن، بەتایبەت ئەوانەی کێشەیان لەگەڵ بەکارھێنانی تەکنەلۆژیا نییە، دەتوانن لەھەر بانکێکی ئەھلییش ئەو ژمارانەی دێنە سەر حیسابەکەیان لەڕێگەی ئەلیکترۆنییەوە بیگوازنەوە بۆ ئەو شوێنەی دەیانەوێت و جگە لە بانکەکان لە مارکێتەکانیش دەتوانن کەلوپەل بکڕن، بۆیە ئەوە ھەنگاوێکی باشە بۆ نەمانی ئەو قەڵەباڵغییەی لە وەرگرتنی مووچەدا دروست دەبوو.
باسی لەوەش کردووه: کاری جددی لەسەر میکانیزمی دابەشکردنی مووچە دەکرێت و ئەو کێشەیەی ھەیە چارەسەر دەکرێت.
کۆمێنت (0)
تا ئێستا هیچ کۆمێنتێک نەکراوە.