وەزارەتی شارەوانی و گەشتوگوزار ڕایگەیاند، مانگانە زیاتر لە 60 هەزار تۆن خۆڵ و خاشاک لە سەنتەری شاری هەولێر هەڵدەگیرێتەوە.
وەزارەتی شارەوانی گەشتوگوزاری هەرێمی کوردستان ڕایگەیاند: پڕۆسەی هەڵگرتنەوە و چارەسەركردنی خۆڵ و خاشاک یەكێكە لە سێكتەرە گرنگەكانی وەزارەتەکەمان بۆ پاراستنی ژینگەی شار و شارۆچكەكان بەبەردەوامی تیمەكانی شارەوانی و خزمەتگوزاریی ژینگەپارێزی لە هەرێمی كوردستان پرۆسەی خاوێنكردنەوە بەڕێوەدەبەن و سەرپەرشتی دەكەن.
جەختی کردەوە کە "تەنیا لە سەنتەری شاری هەولێر مانگانە زیاتر لە 60 هەزار تۆن خۆڵ و خاشاك هەڵدەگیرێتەوە و چارەسەر دەكرێت."
ژیار جەلال بەڕێوەبەری خزمەتگوزاریی ژینگەپارێزی سەر بە سەرۆكایەتیی شارەوانیی هەولێر ڕایگەیاند: ڕۆژانە پرۆسەی خاوێنكردنەوە لە سەنتەری شاری هەولێر بەڕێوەدەچێت و مانگانەش زیاتر لە 60 هەزار تۆن خۆڵ و خاشاک لە سەنتەری شار كۆدەكرێتەوە و پاشان دەگوازرێتەوە بۆ زبڵخانەی كانی قڕژاڵە و لەوێ چارەسەر دەكرێت.
لەبارەی ژمارەی كرێكارانی ژینگەپارێز و ئامێرەكانی تایبەت بە پرۆسەی هەڵگرتنەوەی خۆڵ و خاشاك لە شاری هەولێر ئاماژەی بەوەش دا کە ڕۆژانە نزیكەی هەزار و 300 کرێکار و 600 ئامێر پرۆسەی خاوێنکردنەوە و چارەسەركردنی ئەنجام دەدەن.
کۆمێنت (0)
تا ئێستا هیچ کۆمێنتێک نەکراوە.