Erbil 39°C دووشەممە 04 تەمووز 13:05

تای خوێنبه‌ربوون گه‌یشته‌ پارێزگایه‌كی تری عێراق

کوردستان TV
100%

ئه‌مڕۆ دووشه‌م فه‌رمانگه‌ی ته‌ندروستی پارێزگای نه‌جه‌ف یه‌كه‌م حاڵه‌تی تووشبوون به‌ تای خوێنبه‌ربوونی تۆمار كرد.

فه‌رمانگه‌كه‌ ئاماژه‌ی به‌وه‌داوه‌ كه‌ تووشبووه‌كه‌ كچێكی ته‌مه‌ن 21 ساڵه‌یه‌ و خه‌ڵكی شارۆچكه‌ی مه‌شخابه‌ له‌ پارێزگای نه‌جه‌ف.

تای خوێنبه‌ربوون نه‌خۆشییه‌كی ڤایرۆسییه‌ له‌ ئاژه‌ڵ بۆ مرۆڤ ده‌گوازرێته‌وه‌ له‌ ڕێگه‌ی خوێن و شله‌مه‌نی و پاشماوه‌كانی ئاژه‌ڵ، ڕێژه‌ی مردنیش به‌ په‌تاكه‌ له‌ مرۆڤدا ده‌گاته‌ 40% به‌گوێره‌ی ڕێكخراوی ته‌ندروستی جیهانی.

په‌تاكه‌ له‌ عێراقدا له‌ ماوه‌ی ڕابردوو له‌‌ هه‌ریه‌ك له‌ پارێزگاكانی كه‌ركووك، نه‌ینه‌وا، مووسه‌نا، بابل، دیوانییه‌، كه‌ربه‌لا، واسیت، به‌غدا و به‌سڕاش تۆمار كرابوو.

به‌م تووشبووه‌ نوێیه‌ی پارێزگای نه‌جه‌ف،‌ ڕێژه‌ی تووشبووانی تای خوێنبه‌ربوون له سه‌رتاسه‌ری‌ عێراق گه‌یشته‌ 45 كه‌س له‌گه‌ڵ 9 حاڵه‌تی مردن.

تەندروستی

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.